بھارتی جواناں مگروں ہن افغان فوجیاں دی وی حکومت ولوںغیر معیاری کھانا ملن دی ویڈیو سوشل میڈیا اُتے وائرل

کابل(پاکستان پوائنٹ نیوز22۔فروری2017ء) کجھ مہینے پہلے بھارتی جواناں دیاں اعلا افسراں توں شکایت نال بھرپور ویڈیوز سوشل میڈیا اُتے وائرل رہیاں ،ویڈیوز وچ بھارتی جواناں نے انتظامیا ولوں دِتے جان والے غیر معیاری کھانے تے اعلا افسراں دے مَندے سلوک دی شکایت کیتی جدکہ بھارتی جواناں دی ویڈیوز مگروں ہن پچھلے دِنا ای افغان فوجیاں دی وی اک ویڈیو سوشل میڈیا اُتے وائرل ہوئی اے۔ ویڈیو وچ موجود دو افغان فوجیاں نے ہتھ وچ پھڑے کھانے بارے شکایت کیتی۔ افغان فوجیاں نے ہتھ وچ پھڑے کھانے ول اشارا کر کے افغان فوجیاںنوں ملن والیاں مَندیاں سہولتاں بارے شکایت کیتی۔ اوہناں دا کہنا سی کہ اجیہا غیر معیاری کھانا کھان مگروں اسیں کیویں دشمن دا مقابلا کر سکدے آں؟ بھارتی فوج تے افغان فوج دے جواناں دیاں ویڈیوز سوشل میڈیا اُتے وائرل ہون مگروں پاکستانی سوشل میڈیا ورتیندڑاں دا کہنا اے کہ سانوں پاک آرمی اُتے فخر اے جو شہریاں نوں تحفظ تے سکیورٹی دین دے نال نال سرحد اُتے موجود سپاہیاں دا وی خیال رکھدی اے۔ یاد رہوے کہ سرحد اُتے موجود اک پاکستانی فوجی نے وی پچھلے دِنا اپنی اک ویڈیو جاری کیتی، ویڈیو وچ پاکستانی فوجی دا کہنا سی کہ پاک فوج ایس گل نوں یقینی بناندی اے کہ سانوں گھر توں وی چنگا کھانا ملے۔ افغان فوجیاں دی سوشل میڈیا اُتے وائرل ہون والی ویڈیو تُسیں وی ویکھو!