ینبوع(پاکستان پوائنٹ نیوز21۔فروری2017ء) سعودی عرب وچ جتھے ہزاراں بندے بہتر زندگی لنگھ رہے نیں اوتھے کُجھ ایس طرحاں دے وی لوک نیں جہناں دی زندگی کوششاں اُتے مشتمل اے۔ ایہناں بندیاں وچ ای اک اُم رکان ناں دی سوانی شامل اے۔ اُم رکان دے شوہر نے کُجھ چِر پہلے ای اوہنوں طلاق دے دِتی سی۔ اُم رکان دے 5بال نیں۔ اوہدے کول طلاق مگروں کوئی چارا نہیں سی تے اوہنے بالاں دا ڈھڈ بھرن لئی چاہ دا ہوٹ کھول لیا۔
تفصیل دے مطابق اُم ارکان نے سعودی اخبار نوں دسیا کہ طلاق مگروں کسے نے وی اوہدی مدد نہیں کیتی اوہ بالکل اکلی ای رہ گئی جدکہ اوہدے 5بال وی سن جہناں نوںپالنا اوہدی ذمے واری وی سی۔ ایس مقصد لئی میں بجائے لوکاں اگے ہتھ کرن دے اپنا کم کرن دا سوچیا۔ فیر اک تھاں پسند کیتی تے اوتھے چاہ دا نِکا جہیا ہوٹل کھول لیا۔ اخبار نال گل بات کردے ہوئے اوہدا کہنا سی کہ شروع وچ مینوں تھوڑیاں اوکڑاں پیش آئیاں پر فیر آہستہ آہستہ میرے کاروبار وچ برکت پیندی گئی جدکہ نال ای ینبوع دے سرکاری خیراتی ادارے ولوں مینوں پیسے وی ملنے شروع ہو گئے۔ یاد رہوے کہ آن والے کُجھ مہینیاں تک ینبوع وچ بے گھر بندیاں نوں 530گھر دِتے جان گے تے ایہناں 530بندیاں وچ اُم رکان دا ناں وی شامل اے۔
