لاڑی نے اپنے ویاہ وچ اپڑن لئی نہ صرف آپے بس چلائی بلکہ راہ وچ رُک کے لاڑے نوں وی نال لیا

اک چینی لاڑی(دلہن) نے اپنے ویاہ دی تقریب وچ اپڑن لئی انوکھا طریقہ اپنایا۔ لاڑی نے شادی ہال تیکر جان لئی نہ صرف آپ گڈی چلائی بلکہ راہ وچ رُک کے لاڑے نوں وی نال لیا۔ پیپلز ڈیلی چائنا دی پوسٹ کیتی ہوئی اک ویڈیو وچ ویکھیا گیا اے کہ اک لاڑی سجی ہوئی بس نوں آپ چلا رہی اے۔ ڈرائیونگ دوران لاڑی نے چٹے رنگ دے کپڑے پائے نیں پر ایہدے مگروں وی اوہ سکون نال گڈی چلا رہی اے۔ لاڑی، جو آپ بس ڈرائیور اے دا کہنا اے کہ گڈی دی بجائے بس توں جانا ماحول دوست طریقہ اے۔ ویڈیو وچ لاڑی نال ای لاڑے نوں وی گلدستہ پھڑے بس وچ ای بیٹھے ویکھیا جا سکدا اے۔