روزیاں وچ گرمی دی شدت : پاکستان وچ موجود اک جادوئی ائر کنڈیشننگ سرنگ

روزیاں وچ گرمی دی شدت : پاکستان وچ موجود اک جادوئی ائر کنڈیشننگ سرنگ

ڈیرہ اسماعیل خان(پاکستان پوائنٹ نیوز18۔مئی2018ء ) روزیاں دا مہینہ آؤندے ای ملک بھر وچ گرمی دی شدت وچ وادھا ہو گیا اے۔ گرمی دی شدت دی وجہ توں ملک بھر دے نجی تے سرکاری تعلیمی اداریاں وچ چھٹیاں دا اعلان وی کردتا گیا۔ ملک بھر وچ جتھے گرمی دی شدت وچ وادھا ہو رہیا اے اوتھے پاکستان وچ اک جادوئی ائر کنڈیشننگ سرنگ وی موجود اے جو بغیر کسے اے سی تے پکھے دے ٹھنڈی رہندی اے۔

سوشل میڈیا اُتے ایس سرنگ دیاں تصویراں وائرل ہو رہیاں نیں۔تفصیل مطابق ڈیرہ اسماعیل خان دے پنڈ سید و والی وچ جادوئی ائر کنڈیشننگ موجود اے۔ جتھے گرمی دے مہینیاں وچ علاقہ واسی ڈیرے لا لیندے نیں۔ علاقہ واسی روزیاں دا پورا مہینہ ایسے ٹھنڈی سرنگ وچ لنگھاندے نیں۔ ایس سرنگ وچ رہن دا نہ کوئی خرچا دینا پیندا اے تے نہ ای کوئی بل۔ قدرتی طور اُتے ایس سرنگ وچ رہنا اپنے آپ ای اک ایڈونچر وی اے۔ تے ایس ایڈونچر لئی کسے کرائے دی وی ضرورت نہیں پیندی۔ ایس سرنگ وچ درجہ حرارت اینا گھٹ ہوندا اے کہ عام بندہ بغیر چادر دے سُو وی نہیں سکدا۔ مقامی لوک ایس سرنگ وچ سویرے آؤندے نیں تے شام 5وجے واپس چلے جاندے نیں۔