ماں پیو تے فیر مل جاندے نیں پر بیو ی نہیں ملدی

سوشل میڈیا اُتے بیوی دے گن گان والے بندے دی ویڈیو وائرل

ماں پیو تے فیر مل جاندے نیں پر بیو ی نہیں ملدی
سوشل میڈیا اُتے بیوی دے گن گان والے بندے دی ویڈیو وائرل

لاہور(پاکستان پوائنٹ نیوز11۔مئی2018ء) ویاہ مگروں سس نونہ دیاں لڑائیاں وچ وچارا لاڑا ای مِدھیا جاندا اے، ہر لڑائی مگروں بھاویں غلطی ماں دی ہوئے یاں بیوی دی ہر معاملے وچ لاڑے نوں ای گلاں سُننیاں پیندیاں نیں۔ کئی لوک تے اپنیاں ماواں دی سائیڈ لے کے بیوی نوں چُپ کرو ایندے نیں تے کئی اپنی بیوی توں وکھ کسے دی وی نہیں سُندے۔ سوشل میڈیا اُتے وی ایسے طرحاں دے اک بندے دی ویڈیو وائرل ہوئی اے جو اپنی بیوی نال بہت محبت کردا اے۔ ویڈیو وچ ذکر کیتے گئے بندے دا کہنا اے کہ میرے ماں پیو نے میری بیوی نوں ماریا کُٹیا تے ہن آکھ رہے نیں کہ صلح کر لوو، میں پاگل آں جو انج کراں۔ ماں پیو تے فیر مل جاندے نیں پر بیویاں کتھوں ملدیاں نیں؟میں اپنے ماں پیو نوں پیسے دینا واں تے اوہ مینوں گالھاں کڈھدے نیں۔ پر میں اپنے سوہریاں نوں دو سو رُپئے وی دے دیواں تے اوہ مینوں پیار کردے تے متھا چُمدے نیں۔ اصل ماں پیو سس سوہرا ای ہوندے نیں۔ میں صاف آکھ دتا اے کہ میرے ماں پیو میری بیوی توں معافی منگ لین تے میں گھر آ جاواں گا۔ میرے نِکے بھرا نے وی میری بیوی اُتے ہتھ چُکیا اے، تن دن ہو گئے نیں میرا اندروں دل روندا اے۔ میرا روٹی کھان تیکر نوں دل نہیں کردا۔ اینا آکھدے ہوئے ذکر کیتا گیا نوجوان رُو پیا، تے اپنے ساہمنے بیٹھے بندے نوں آکھن لگا کہ میرے بھرا دا کوئی حق نہیں بند اکہ اوہ میری بیوی نوں مارے۔ میری بیوی میرے لئی سبھ کُجھ چھڈ کے آئی اے۔ میں اوہنوں ذلیل نہیں کر واسکدا۔ میری وڈی بھین اپنے گھروں لڑ کے 8دن لئی ساڈے گھر آئی تے میری ماں نوں چین نہیں آیا، ایہو آکھدی سی کہ میری دھی لڑ کے آگئی اے تے کیہ میری بیوی کسے دی دھی نہیں اے؟ماں پیو مر جان تے سبھ آ جاندے نیں ۔ویڈیو تُسیں وی ویکھو: