لاہور(پاکستان پوائنٹ نیوز02۔مئی2018ء) سوانی نے اپنے خاوند دے پاسپورٹ اُتے انگلینڈ توں بھارت تیکر دا سفر کر لیا۔ خلیج ٹائمز مطابق ائر پورٹ انتظامیہ دی وڈی نااہلی ساہمنے آئی اے۔سوانی نے اپنے خاوند دے پاسپورٹ اُتے انگلینڈ توں بھارت تیکر دا سفر کر لیا۔ 55ورھیاں دی گیتا مودیہ انگلینڈ وچ اک بوتیک دی مالک اے۔ گیتا نے اک بھارتی کاروباری دورے اُتے جاندے ہوئے چھیتی وچ اپنے خاوند دلیپ دا پاسپورٹ پھڑ لیا۔
پر گیا نوں دِلی ائر پورٹ اُتے اپڑن تیکر اپنی غلطی دا پتا نہیں لگیا سی۔ گیتا نے امیگریشن فارم بھرنا شروع کر دتا۔ گیتا ایہ ویکھ کے حیران ہو گئی کہ بغیر کسے پریشانی دے اوہنے اپنے شوہر دے پاسپورٹ اُتے 4200میل دور تیکر دا پندھ کر لیا۔ میڈیا نال گل بات کردے ہوئے گیتا دا کہنا سی کہ ایہ خوفناک تے فکر والی گل اے کہ ایہ لوک ائر پورٹ اُتے مناسب طریقے نال پُن چھان نہیں کر رہے ۔ حقیقت وچ ہوائی اڈیاں اُتے سکیورٹی بہت سخت اے۔ 2018وچ وی ایس طرحاں دا واقعہ ہونا خطرناک اے۔دوجے پاسے بھارتی ائر پورٹ حکام نے گیتا نوں اپنے پاسپورٹ دا انتظار کرن لئی دبئی واپس گھل دتا۔ جیہدے نتیجے وچ آخیر اوہدی مدد کیتی گئی۔
