مزدوراں دا عالمی دیہاڑ: مشہور ریسٹورنٹ نے مزدوراں نوں مفت کھانا کھوان دا اعلان کر دتا

مزدوراں دا عالمی دیہاڑ: مشہور ریسٹورنٹ نے مزدوراں نوں مفت کھانا کھوان دا اعلان کر دتا

لاہور(پاکستان پوائنٹ نیوز01۔مئی2018ء) پہلی مئی نوں مزدوراں دے عالمی دیہاڑ دے موقعے تے پاکستان سنے دنیا بھر وچ چھٹی ہوندی اے ۔ ایس دن نوں پاکستان بھر وچ منایا جاندا اے۔ ایس موقعے تے کئی سیمیناز کیتے جاندے نیں جیہناں وچ مزدوراں دے حقاں دی گل کیتی جاندی اے۔ پر چالو ورھے لاہور دے مشہور ریسٹورنٹ ’ندیم بوفے‘ نے سارے مزدور طبقے لئی بالکل مفت ہائی ٹی دا اعلان کیتا اے۔ ندیم بوفے دا کہنا اے کہ اسیں پرانی ریت نوں توڑنا چاہنے آں، ایس لئی مزدور طبقے واسطے اج بالکل مفت کھانے دا آہر کیتا گیا اے۔ اوہناں دا کہنا سی کہ مزدور بندے ساڈے ریسٹورنٹ وچ آ کے اپنی مرضی دا کھانا کھا سکدے نیں۔