ساہیوال(پاکستان پوائنٹ نیوز21۔دسمبر2017ء) ہمت مرداں۔۔۔مدد خدا۔۔جی ایداں ای!پاکستانی پڑھیار باہرلے ملک آئے دن ای اپنیاں صلاحتاں تے لائقی کارن ملک دا ناں اُچا کردے رہندے نیں، ایہو اجہ اے کہ لائق پڑھیار باہرلے ملک اپنا ناں منواندے تے ثابت کردے نیں کہ پاکستانی پڑھیار وی کسے توں گھٹ نہیں نیں۔ پچھلے دناں ای ساہیوال دے دو لائق پڑھیاراں نے اک ڈرون ایمبولینس تیار کیتی اے۔ پڑھیاراں داکہنا سی کہ ملک وچ کئی علاقے اجیہے نیں جتھے حادثہ ہون دی صورت وچ ایمبولینس ویلے سِر نہ اپڑن کارن موتاں دا خدشہ ہوندا اے۔ نوجوان پڑھیاراں نے دسیا کہ ڈرون ایمبولینس حادثاتی علاقیاں وچ ویلے سِر اپڑ کے زخمیاں دی مدد کر سکے گی۔ اوہناں داکہنا سی کہ سکیورٹی تے فلماں بنان لئی تے بہت سارے ڈرونز بنائے گئے پر اسیں اپنے پراجیکٹ نوں میڈیکل دی فیلڈ نال جوڑکے ڈرون ایمبولینس دے آئیڈیا اُتے کم کیتا۔ پڑھیاراں نے دسیا کہ ایس ڈرون دی تیاری وچ 9مہینے لگے۔ ایہ ڈرون ایمبولینس کیویں کم کردی اے تے ایہ حادثے دی تھاں اُتے پھسے لوکاں دیں کیویں مدد کرے گی تُسیں وی ویکھو:
ساہیوال دے 2 ذہین پڑھیاراں نے ڈرون ایمبولینس تیار کر لئی
6 سال پچھے
