لندن(پاکستان پوائنٹ نیوز18۔دسمبر2017ء) برطانیہ دے ڈاکٹری ماہرین نے سیلفیاں لین والے بندیاں نوں ذہنی روگی قرار دے دتااے۔ سیلفیاں لین والیاں نوں سیلفیڈز نامی بیماری اے۔ تفصیل مطابق اپنے آپ نوں چنگا ویکھن تے وکھان دا شوق ہر کسے وچ ہوندا اے تے انسان ایس شوق نوں پورا کرن لئی کئی پُٹھے سِدھے کم کردا اے۔ اجیہا ای اک طریقہ سیلفیاں لے کے اوہناں نوں سوشل میڈیا اُتے پوسٹ کرنا اے۔
سیلفی لینا نوجواناں وچ ڈاڈھا مقبول اے پر برطانوی ڈاکٹری ماہرین نے سیلفی لین والے بندیاں نوں ذہنی روگی قرار دے دتااے۔ اوہناں دا کہنا اے کہ سیلفی لین والے لوک ذہنی روگی ہوندے نیں تے اوہ سیلفیڈز نامی رو گ دا شکار ہوندے نیں۔ ایس روگ دے تن مرحلے نیں۔ ڈاکٹری ماہرین دا کہنا اے کہ سیلفیاں لین والے بندے بنیادی طور اُتے توجہ دے چاہیوان ہوندے نیں تے اوہناں وچ آپ وساہ (خود اعتمادی) دی کمی ہوندی اے۔
