سال وچ 2وار کم اُتے جا کے 21لکھ کمان والا بندہ

لاہور(پاکستان پوائنٹ نیوز12۔دسمبر2017ء) دنیا بھر وچ گھٹ ای لوک اجیہے ہوندے نیں جو بہت گھٹ کم کردے نیں پر اپنی ذہانت دی وجہ توں 12گھنٹے کم کرن والیاں توں ودھیرے پیسے کما لیندے نیں۔ امریکی ریاست جنوبی ڈکوٹا وچ اک اجیہا بندہ وی اے جو سال بھر وچ صرف دو دن کم کر کے پاکستانی 21لکھ رُپئے توں ودھ کما لیندا اے۔ بھاویں اوس بندے نوں کوئی پہاڑ نہیں ڈھانا پیندا پر اوہدا کم کسے پہاڑ نوں ڈھان توں گھٹ وی نہیں اے۔ کیون سکیمڈٹ ناں دا ایہ بندہ صرف دو وار اک ٹی وی چینل دے ٹاوردے بلب نوں بدلن دے سالہوار پاکستانی 21لکھ رُپئے کماندا اے۔ کیون سکیمڈٹ امریکی نشریاتی ادارے نیشنل براڈ کاسٹنگ کارپوریشن (این بی سی) دے ذیلی ٹی وی چینل ’ڈی ایل ٹی‘ دے ٹاور وچ بطور ٹاور الیکٹریشن کم کردا اے، اوہدا کم صرف 1500فٹ اُتے ٹاور دے بلب نوں بدلنا ہوندا اے جو سال وچ صرف دو وار ای بدلی ہونداے پر اوہدے کم دے دنیا بھر وچ چرچے نیں۔اوہدے اک بیلی ٹوڈ تھرون نے اوہدی ٹاور اُتے چڑھدے دی ویڈیو بنائی جو ویکھدے ای ویکھدے سوشل میڈیا اُتے وائرل ہو گئی اے۔