90سال دے بابے نے 94سال دی مائی نال ویاہ کرا لیا

لاہور(پاکستان پوائنٹ نیوز13۔اکتوبر2017ء) غلام فرید تے رانی بی بی دوویں اک دوجے نوں بالپنے توں ای پسند کردے سن پر ظالم سماج نے جوانی دے دناں وچ اوہناں نوں ملن نہیں دتا۔ ویلے نے اوہناں دوواں نوں ملادتا۔ میڈیا رپورٹس مطابق جوڑے دا کہنا اے کہ ساڈے ماں پیو نے ساڈے بالپنے وچ سانوں اک دوجے توں وکھ کردتا سی پر ساڈے بالاں نے سانوں ملان دی کوشش کیتی اے، غلام فرید دی عمر 90سال اے۔ غلام فرید نے گھوڑی چڑھدے ہوئے ایہ ثابت کر دتا اے کہ جوانی رہوے یاں نہ رہوے پیار ویلا لنگھن نال گھٹ نہیں ہوندا۔