کوالالمپور(پاکستان پوائنٹ نیوز16۔دسمبر2017ء) قومی ٹیم ایشین نیٹ بال چیمپئن شپ دے فائنل وچ ایتوار دے دیہاڑے بھارت نال مقابلا کرے گی۔ پاکستان نے ہفتے دے دیہاڑے سنگاپور نوں 63دے مقابلے وچ 75پوائنٹس توں ہرا کے فائنل وچ تھاں بنائی سی۔ دوجے پاسے بھارت نے مجمان ملائیشیا نوں 44دے مقابلے وچ 47پوائنٹس توں ہرا کے فائنل وچ تھاں بنائی۔ پاکستان نے راؤنڈ رابن میچ وچ بھارت خلاف 41دے مقابلے وچ 70پوائنٹس توں کامیابی اپنے ناں کیتی ہوئی اے۔
پاکستان ایس ٹورنامنٹ دے راؤ نڈ میچاں وچ اک وی میچ نہیں ہاریا تے دوجے نمبر اُتے سبھ توں ودھ پوائنٹس وی لئے۔ گرین شرٹس نے پہلی ایشین نیٹ بال چیمپئن شپ وچ چاندی دامیڈل اپنے ناں کیتا سی جتھے فائنل وچ مجمان ملائیشیا نے اوہنوں کڑے مقابلے مگروں 34دے مقابلے وچ 35پوائنٹس توں ہرایا۔
