سری لنکن بلے باز نے اک اوور وچ 7چھکے مار کے وڈا ریکارڈ بنا دتا

سری لنکن بلے باز نے اک اوور وچ 7چھکے مار کے وڈا ریکارڈ بنا دتا

لندن(پاکستان پوائنٹ نیوز16۔دسمبر2017ء) سری لنکن کھڈاری نویندو چھاسارا نے اک اوور وچ ست چھکے مار کے نویں تاریخ لکھ چھڈی اے۔ انڈر 15مرلی گڈنیس کرکٹ کپ دے فائنل وچ فوگ کرکٹ اکیڈمی دے نویندو چھاسارا نے کوناوا خلاف 89گینداں اُتے 109سکور بنائے۔ اوہناں دی اننگز دی خاص گل اک اوور وچ ست چھکے سن۔ اوہ نو بال اُتے اک وار فیر گیند باؤنڈریوں سُٹن وچ کامیاب ہوئے۔

اوہناں دی ایس شاندار بلے بازی اُتے لیجنڈری سری لنکن آف سپنر مرلی دھرن نے وی اوہناں نوں مبارکباد دیندے ہوئے آؤندے ویلے لئی نیک خاہشاں دا وکھالا کیتا۔ یاد رہوے کہ ہرشل گبز تے یووراج سنگھ نوں انٹرنیشنل کرکٹ وچ اک اوور دوران چھ چھکے مارن دا اعزاز حاصل اے جدکہ سرگیری سوبرز تے روحی شاستری فرسٹ کلاس مقابلے وچ اک اوور وچ چھکے مار چکے نیں۔