جان سینا نے ریسلنگ رنگ نوں الوداع آکھن دا اشارا دے دتا

نیویارک(پاکستان پوائنٹ نیوز22۔جولائی 2017ء) دنیا دے مشہور ریسلرز وچوں اک جان سینا نے آخیر رنگ نوں الوداع آکھن دا اشارا دے دتا اے۔ تفصیل مطابق 40ورھیاں دے جان سینا دا اک انٹرویو دوران کہنا سی کہ ڈبلیو ڈبلیو ای وچ اوہناں دا فری ایجنٹ دا سٹیٹس اوہناں دا ریسلنگ کیرئیر ختم ہون دے قریب پہنچن دی وجہ اے، اوہناں نوں پتا نہیں کہ ہن ریسلنگ وچ اوہناں کول کِنا ویلا باقی اے پر ہن اوہ اپنا بہتا ویلا کمپنی نوں دینا چاہندے نیں۔ چیتے رہوے کہ 2002وچ ڈبلیو ڈبلیو ای وچ ڈیبیو کرن والے جان سینا نے کیریئر وچ ہن تیکر 16وار چیمپئن شپ اپنے ناں کر کے رک فلیئر دا ریکارڈ برابر کیتا اے۔