اسلام آباد(پاکستان پوائنٹ نیوز21۔جولائی 2017ء) جاوید چودھری مگروں غریدہ فاروقی نے وی احمد شہزاد نوں طنز دا نشانا بنا دتا اے۔ تفصیل مطابق کُجھ دن پہلے نجی ٹی وی دے پروگرام وچ مشہور اینکر و پرچاکار جاوید چودھری ولوں قومی کرکٹر احمد شہزاد نوں طنز دا نشانا بنایا گیا سی۔ جاوید چودھری دا کہنا سی کہ جیویں احمد شہزاد بغیر کارکردگی وکھائے چیمپئنز ٹرافی دی فتح دا کریڈٹ لیندے رہے اُنجے ای پیپلز پارٹی، ایم کیو ایم تے ہور جماعتاں بغیر کُجھ کیتے ای پاناما کیس دا کریڈٹ تحریک انصاف توں کھوہ لین گیاں۔
جاوید چودھری دے بیان مگروں اوہناں نوں کرکٹ نال پیار کرن والے لوکاں نے تنقید دا نشانا بنایا سی پر ہن جاوید چودھری مگروں مشہور اینکر غریدہ فاروقی نے وی احمد شہزاد نوں طنز کیتا اے۔ غریدہ فاروقی دا کہنا اے کہ رحمان ملک دا موقف اے کہ جے آئی ٹی دی رپورٹ اوہناں دی دتی گئی رپورٹ مطابق اے۔ رحمان ملک وی احمد شہزاد وانگ کریڈٹ لینا چاہندے نیں۔
