کپڑے ویچن والا نور ولی ہن پاکستان سپر لیگ کھیڈے گا

کراچی(پاکستان پوائنٹ نیوز28۔جنوری2017ء) چاہ والے تے پرونٹھے والے مگروں ہن کپڑے ویچن والا ساہمنے آ گیا، کراچی دے بازاراں وچ کپڑے ویچن والا نور ولی ہن پاکستان سپر لیگ کھیڈے گا۔ تفصیل دے مطابق20ورھیاں دے نور ولی نوں پاکستان سپر لیگ دی فرنچائز کوئٹہ گلیڈی ایٹرز نے اپنے سکواڈ وچ شامل کیتا اے جہدے اُتے اوہ بڑا خش اے۔ میڈیا نال گل بات کردے ہوئے نور ولی دا کہنا سی کہ اوہ سویرے اُٹھ کے بھرا نال سستے بازاراں وچ کپڑے ویچ کے اپنا گھر چلاندا تے 2وجے پریکٹس کردا اے پر اوہنوں امید اے کہ پی ایس ایل وچ چنگی پرفارمنس دا وکھالا کر کے اک دن پاکستان لئی وی کھیڈے گا۔