لاہور(پاکستان پوائنٹ نیوز06۔دسمبر۔2018ء) ٹیسٹ کرکٹر یاسر شاہ نے 200وکٹاں لین دے اعزاز نوں اپنی ماں دے ناں کر دتا۔ تفصیل دے مطابق یاسر شاہ نے نیوزی لینڈ خلاف جاری ٹیسٹ سیریز دے تیجے میچ دی دوجی اننگز وچ کیوی بلے باز ولیم سمر ویلے نوں ایل بی ڈبلیو آؤٹ کر کے ایہ ریکارڈ اپنے ناں کیتا۔ ایس توں پہلاں آسٹریلیا دے لیجنڈری لیگ سپنر کلیری گریمیٹ نے 82ورھے پہلاں 1936وچ تیز ترین 200وکٹاں لین دا ریکارڈ اپنے ناں کیتا سی۔
کلیری گریمیٹ نے اپنے 36ویں میچ وچ 2سو وکٹاں بنائیاں سن جدکہ یاسر شاہ نے 3میچ پہلاں ای اپنے 33ویں میچ وچ ایہ ریکارڈ اپنے ناں کر لیا۔ ٹیسٹ کرکٹ وچ تیز ترین 200وکٹاں لین والے کھڈاریاں دی لسٹ وچ روی چندر ایشون تیجے نمبر اُتے نیں، جیہناں نے ایہ کارنامہ 37ویں میچ وچ انجام دتا سی۔ پاکستانی کرکٹر وقار یونس تے آسٹریلیا دے ڈینس للی ایس لسٹ وچ مشترکہ طور اُتے چوتھے نمبر تے نیں جیہناں نے 38,38میچاں وچ 200وکٹاں لئیاں سن۔ ایس حوالے نال گل کردے ہوئے یاسر شاہ دا آکھنا سی کہ اپنا ورلڈ ریکارڈ اپنی ماں دے ناں کرنا واں۔اوہناں دا آکھنا سی کہ200ٹیسٹ وکٹاں لینا میرا خاب سی،جو اج پورا ہوگیا۔
