دبئی(پاکستان پوائنٹ نیوز27۔نومبر۔2018ء) تن ٹیسٹ میچاں دی سیریز دے دوجے مقابلے وچ پاکستان نے نیوزی لینڈ نوں اننگز تے 16سکور توں ہرا کے سیریز 1.1نال برابر کر دتی۔تفصیل دے مطابق تن ٹیسٹ میچاں دی سیریز دے دوجے مقابلے وچ پاکستان نے نیوزی لینڈ نوں اننگز تے 16سکور توں ہرا کے سیریز 1.1نال برابر کر دتی اے۔نیوزی لینڈ نے ٹیسٹ دے چوتھے دن دو وکٹاں دے نقصان اُتے 131سکور نال کھیڈ شروع کیتا تے کُجھ ای دیر وچ پاکستان نوں پہلی کامیابی مل گئی۔
نیوزی لینڈ دی تیجی وکٹ 146سکور اُتے ڈگ گئی، ٹالم لیتھم 50سکور کر کے حسن علی دی گیند اُتے کیچ آؤٹ ہوئے۔ ایہدے مگروں راس ٹیلر نے ٹیم نوں سہارا دین دی کوشش کیتی تے سکور 198تیکر اپڑایا پر بلال آصف نے راس ٹیلر نوں 82سکور اُتے کیچ آؤٹ کروا دتا جیہدے نتیجے وچ نیوزی لینڈ دی چوتھی وکٹ 198سکور اُتے ڈگ گئی۔ واٹلنگ تے ہنری نکولس نے چنگا کھیڈدے ہوئے 57سکور دی شراکت داری کر کے ٹیم دا سکور 255تیکر اپڑایا ۔
پر واٹلنگ 27سکور کر کے یاسر شاہ دی گیند اُتے ایل بی ڈبلیو آؤٹ ہو گئے۔ کولن ڈی گرینڈ ہوم 14سکور اُتے حسن علی دا شکار بنے، اش سوڈھی 4سکور کر کے یاسر شاہ دی گیند اُتے کلین بولڈ ہوئے۔ایس طرحاں تن ٹیسٹ میچاں دی سیریز دے دوجے مقابلے وچ پاکستان نے نیوزی لینڈ نوں اننگز تے 16سکور توں ہرا کے سیریز 1.1نال برابر کر دتی۔یاسر شاہ نے 14شکار کیتے۔
