لاہور(پاکستان پوائنٹ نیوز12۔دسمبر۔2018ء) کامران اکمل نے ریٹائرمنٹ دیاں خبراں نوں بے بنیاد قرار دے دتا۔ تفصیل دے مطابق پاکستان ولوں 53ٹیسٹ، 157ون ڈے تے 58ٹی ٹونٹی میچ کھیڈن والے وکٹ کیپر و بلے باز کامران اکمل نے کرکٹ توں ریٹائرمنٹ بارے گھمن والیاں خبراں نوں بے بنیاد قرار دے دتا۔ اوہناں دا آکھنا اے کہ ریٹائرمنٹ دا ارادہ ہویا تے اپنے چاہیواناں نوں ضرور دساں گا۔
اجے سارا دھیان فٹنس تے کارکردگی ول اے۔یاد رہوے کہ کامران اکمل لمے چِر توں پاکستانی کرکٹ ٹیم وچ تھاں نہیں بنا سکے پر اوہناں نے ٹیسٹ میچاں وچ ہور پاکستان دی نمائندگی کرن دی خاہش دا اظہار کیتا اے۔ ٹیم وچ کامران اکمل دے چناؤ بارے ایہ خبراں وی ساہمنے آئیاں سن کہ ہیڈ کوچ مکی آرتھر ٹیم وچ اوہناں دی رلت دے خلاف نیں جیہدی وڈی وجہ کامران اکمل دے چنگی فیلڈنگ نہ کرنا دسی گئی سی۔
