شاہد آفریدی دا دورا آرمی پبلک سکول پشاور، پڑھیاراں وچ کھیڈاں د ا سامان ونڈیا

آرمی پبلک سکول توں ٹیلنٹ ہنٹ پروگرام دی شروعات کر رہیا واں، نوجوان کرکٹرز دی رہنمائی کردا رہواں گا: آفریدی

شاہد آفریدی دا دورا آرمی پبلک سکول پشاور، پڑھیاراں وچ کھیڈاں د ا سامان ونڈیا
آرمی پبلک سکول توں ٹیلنٹ ہنٹ پروگرام دی شروعات کر رہیا واں، نوجوان کرکٹرز دی رہنمائی کردا رہواں گا: آفریدی

پشاور(پاکستان پوائنٹ نیوز28۔جنوری2017ء) قومی کرکٹ ٹیم دے سابق کپتان شاہد خان آفریدی نے آرمی پبلک سکول پشاور دا دورا کیتا۔ اوہناں نے پاک آرمی دے افسراں، نوجواناں تے متعلقا سکول دے پڑھیاراں نال وی ملاقات کیتی۔ ایس موقعے اُتے شاہد آفریدی نے خطاب کردے ہوئے شہید پڑھیاراں نوں خراج عقیدت وی پیش کیتا۔ شاہد آفریدی نے پڑھیاراں وچ پشاور زلمی فاﺅنڈیشن دی شرٹس تے کھیڈاں دا سامان وی ونڈیا۔

اوہناں نے آکھیا کہ آرمی پبلک سکول توں ٹیلنٹ ہنٹ پروگرام دی شروعات کر رہیا واں۔ اوہناں دا کہنا سی کہ نوجوان کرکٹرز دی رہنمائی کردا رہواں گا تاں جے اوہناں دی کارکردگی بہتر ہو سکے۔ اوہناں دا کہنا سی کہ اے پی ایس دے 50پڑھیاراں نوں پاکستان سپر لیگ دے میچ وکھائے جان گے۔ ایس موقعے اُتے شاہد آفریدی نے الخدمت فاﺅنڈیشن دا وی دورا کیتا تے یتیم بالاں دی کفالت وچ مدد کرن دی یقین دہانی وی کرائی۔ اوہناں دا کہنا سی کہ ایس معاملے وچ’ شاہد خان آفریدی فاﺅنڈیشن‘ بھرپور کردار ادا کرے گی۔