کرتارپور سرحد دی افتتاحی تقریب وچ سدیا گیا تے اک لت اُتے تُر کے پاکستان آواں گا:نوجوت سنگھ سدھو

اسلام آباد(پاکستان پوائنٹ نیوز23۔نومبر۔2018ء) سابق بھارتی کرکٹر نوجوت سنگھ سدھو نے کرتار پور سرحد کھولن دے اعلان اُتے خشی دا اظہار کردے ہوئے آکھیا اے کہ سرحد دی افتتاحی تقریب وچ سدیا گیا تے اک لَت اُتے تُر کے وی آواں گا۔ اپنے بیان وچ نوجوت سنگھ سدھو نے آکھیاکہ اوہ کرتار پور سرحد کھولن دے فیصلے اُتے پاکستان تے بھارت دیاں حکومتاں دے شکر گزار نیں۔ سرحد کھولن دے فیصلے اُتے اوہناں نوں دوناں ملکاں وچ بہت عزت ملی۔ اوہناں نے سرحد کھولن دا کریڈٹ وزیر اعظم عمران خان نوں دیندے ہوئے آکھیا کہ جے اوہناں نوں افتتاحی تقریب وچ سدیا گیا تے اوہ اک لت اُتے تُر کے وی اوہدے وچ رلتی ہون گے۔