لاہور(پاکستان پوائنٹ نیوز28۔جنوری2017ء) انٹرنیشنل کرکٹ کونسل (آئی سی سی) دی ٹاسک فورس برائے پاکستان دے سربراہ جائلز کلارک پاکستان اَپڑ گئے۔ وسیلیاں دے مطا بق پاکستان وچ کرکٹ دی بحالی تے پی ایس ایل دا لاہور وچ فائنل کران لئی سکیورٹی انتظامات دا جائزا لین دے حوالے نال آئی سی سی ٹاسک فورس دے سربراہ دودِنا دورے اُتے پاکستان اپڑ گئے نیں۔ چیئرمین پی سی بی شہریار خان نے لاہور ائر پورٹ اُتے جائلز کلارک دا استقبال کیتا، جائلز کلارک اپنے دورے دے دوران وزیر اعلا پنجاب میاں شہباز شریف تے ہور صوبائی نمائندیاں نال ملاقاتاں کرن دے نال نال چیئرمین پی سی بی شہریار خان تے چیئرمین پی ایس ایل نجم سیٹھی نال وی ملن گے، ایہناں ملاقاتاں دے دوران پاکستان وچ کرکٹ دی بحالی لئی حکمت عملی بارے غور کیتا جائے گا۔
شہریار خان دا کہنا سی کہ جائلز کلارک ملاقاتاں دے بعد اج شام 5وجے میڈیا نال وی گل بات کرن گے۔
