دبئی(پاکستان پوائنٹ نیوز27۔جنوری2017ء) آئی سی سی نے تازا ترین ون ڈے رینکنگ جاری کر دِتی، نوجوان قومی بلے باز بابر اعظم نوں اپنی محنت دا صلہ مل گیا۔ انٹرنیشنل کرکٹ کونسل ولوں جاری کیتی گئی نویں رینکنگ دے مطابق آسٹریلیا پہلے تے جنوبی افریقا دوجے نمبر اُتے موجود اے ۔ بھارت اک درجہ ترقی کر کے تیجے نمبر اُتے آ گیا، پاکستان دا ون ڈے رینکنگ وچ 8واں نمبر برقرار اے جدکہ 9ویں نمبر اُتے موجود ویسٹ انڈیز توں اوہدا پندھ صرف 3پوائنٹس دا رہ گیا اے۔
بلے بازاں دی رینکنگ وچ کینگروز اوپنر ڈیوڈ وارنر پاکستان خلاف دو سنچریاں کرن مگروں دو پوائنٹس لیندے ای پہلے نمبر اُتے آ گئے نیں، جنوبی افریقا دے اے بی ڈی ویلیئرز دوجے تے بھارت دے ویرات کوہلی تیجے نمبر اُتے آ گئے،پاکستان دے بابر اعظم کینگروز خلاف 55.40دی اوسط نال 282سکور کر کے 5درجے ترقی مگروں 10ویں نمبر اُتے آ گئے نیں۔ باﺅلر دی رینکنگ وچ نیوزی لینڈ دے ٹرینٹ بولٹ پہلے، آسٹریلوی باﺅلر مچل سٹارک دوجے جدکہ جنوبی افریقا دے لیگ سپنر عمران طاہر اُنجے ای تیجے نمبر اُتے موجود نیں۔
