لاہور(پاکستان پوائنٹ نیوز23۔جنوری2017ء) پاکستان سپر لیگ (پی ایس ایل) دے دوجے ایڈیشن دے شروع ہون وچ صرف 12دن باقی رہ گئے نیں پر دوجے ایڈیشن دی شروعات توں پہلے کرکٹ دے چاہیواناں لئی بری خبر ساہمنے آ گئی اے۔ وسیلیاں دے مطابق لاہور قلندر، کوئٹہ گلیڈی ایٹرز تے پشاور زلمی دے کئی غیر ملکی کھڈاریاں نے پاکستان سپر لیگ دے دوجے ایڈیشن وچ رلت کرن توں معذرت کر لئی اے جہدے بعد تِنوں فرنچائز نے اوہناں دی تھاں ہور غیر ملکی کھڈاریاں نال رابطے شروع کر دِتے نیں۔
وسیلیاں دے مطابق لاہور قلندرز دے ڈووین براوو، اینٹن ڈیوچچ تے شان نیٹ، کوئٹہ گلیڈی ایٹرز دے کارلوس براتھویٹ، محمد نبی ڈیوڈ ولی تے روومین پاول جدکہ پشاور زلمی دے محمد شہزاد، ایلکس ہیلز، شکیب الحسن تے تمیم اقبال چالو ورھے پی ایس ایل دوے دوجے ایڈیشن وچ ایکشن وچ نظر نہیں آن گے۔ وسیلیاں دے مطابق ذکر کیتے گئے کھڈاریاں وچوں کئی ان فٹ نیں، کئیاں نوں اپنے اپنے کرکٹ بورڈز ولوں نان آکبیکشن سرٹیفیکیٹ (این او سی) لین لئی اوکڑاں دا ساہمنا اے جدکہ کئی اپنیاں انٹرنیشنل ٹیم دیاں رُجھاں پاروں لیگ وچ ان ایکشن نہیں ہون گے۔
