یونس خان نے ٹیسٹ کرکٹ دی 140سالہ تواریخ دا انوکھا کارناما انجام دے دِتا

سڈنی(پاکستان پوائنٹ نیوز05۔جنوری2017ء) قومی ٹیم دے سینئر بلے باز یونس خان نے ٹیسٹ کرکٹ دی 140سالہ تواریخ دا انوکھا کارناما انجام دے دِتا۔ تفصیل دے مطابق 39ورھیاں دے یونس خان آسٹریلیا خلاف سڈنی ٹیسٹ دے تیجے دیہاڑے کینگرو لیف آرم سپنر سٹیو اوکیف دی گیند اُتے سویپ شاٹ باﺅنڈری دے باہر کھیڈ کے اپنے ٹیسٹ کیریئر دی 34ویں سنچری کرن دے نال نال 11ملکاں وچ ٹیسٹ سنچری سکور کرن والے دنیائے کرکٹ دے پہلے باز بن گئے۔ ہن تیکر دنیا دے 11ملکاں وچ ٹیسٹ کرکٹ کھیڈی گئی اے جہدے وچ ویسٹ انڈیز، ہندوستان، جنوبی افریقا، نیوزی لینڈ، آسٹریلیا، متحدہ عرب امارات، بنگلا دیش، جنوبی افریقا، انگلینڈ، زمبابوے تے پاکستان شامل نیں۔ ایس توں پہلاں ہندوستان دے عظیم بلے باز راہول ڈریوڈ نے ٹیسٹ کرکٹ کھیڈن والے 10ملکاں وچ سنچری بنان د اریکارڈ بنایا سی پر اوہ متحدہ عرب امارات وچ کرکٹ نہیں کھیڈ سکے جدکہ یونس خان ٹیسٹ کرکٹ کھیڈن والے سارے ملکاں خلاف سنچری بنا چکے نیں۔