یونس خان کینگروز خلاف 1ہزار ٹیسٹ سکور کرن والے 5ویں پاکستانی بلے باز بن گئے

سڈنی(پاکستان پوائنٹ نیوز04۔جنوری2017ء) پاکستانی ٹیم دے سینئر تے تجربا کار بلے باز یونس خان نے کینگروز خلاف اک ہزار ٹیسٹ سکور کر لئے، جہدے بعد یونس خان ایہ اعزاز حاصل کرن والے 5ویں پاکستانی بلے باز بن گئے نیں۔تفصیل دے مطابق یونس خان نے آسٹریلیا خلاف جاری آخری ٹیسٹ دی پہلی اننگز وچ شاندار ففٹی بنا کے ایہ کارناما انجام دِتا، یونس خان نے 2002توں ہن تیکر کینگروز خلاف 11میچاں دی 21اننگز وچ 1024سکور بنائے نیں جہدے وچ اوہناں دیاں شاندار سنچریاں تے تن ففٹیاں شامل نیں۔ یاد رہوے کہ ایس توں پہلے جاوید میانداد، ظہیر عباس، سلیم ملک تے اعجاز احمد وی ایہ اعزاز حاصل کر چکے نیں، میانداد نے کینگروز خلاف ٹیسٹ میچاں وچ 1797، ظہیر نے 1411،سلیم ملک نے 1106تے اعجاز احمد نے 1085سکور بنائے نیں۔