یاسر شاہ دی کارکردگی مَٹھی پے گئی

سڈنی(پاکستان پوائنٹ نیوز04۔جنوری2017ء) قومی ٹیم دے لیگ سپنر یاسر شاہ نے سڈنی ٹیسٹ وچ سکور کھان دی 6ویں سنچری کر لئی۔تفصیل دے مطابق لیگ سپنر پچھلیاں 12وچوں 6اننگز دوران 100توں ودھ سکور کھا چکیا اے۔ سڈنی ٹیسٹ وچ پہلی اننگز دوران یاسر شاہ نے 40اووراں وچ 4.18فی اوورز دے حساب نال 167کھادے تے اک وکٹ لئی، میلبورن ٹیسٹ دی واحد اننگز وچ اوہناں نے 5.04دے حساب نال 207سکور کھا کے 3شکار کیتے سن۔ ایسے طرحاں برسبین ٹیسٹ دی پہلی واری وچ یاسر شاہ نے 2.98دے حساب نال 129سکور کھا کے دو کھڈاریاں نوں آﺅٹ کیتا تے دوجی اننگز وچ 10اووراں وچ 45سکور دے بدلے اک وکٹ لئی۔ ناقص کارکردگی پاروں عالمی نمبر ون باﺅلر دے اعزاز توں محروم ہون دے بعد یاسر شاہ ہن ٹاپ 10دی فہرست توں وی باہر نکل گئے نیں۔