چنئی(پاکستان پوائنٹ نیوز22۔دسمبر2016ء) ثقلین مشتاق دے انگلش سپن کوچ بنن دا راہ پدھر ہون گا، کپتان الیسٹرکک نے وی اپنے بورڈ توں کسے فل ٹائم تقرری دا مطالبا کر دِتا۔ اوہناں دا کہنا اے جدوں تیکر ثقلین ٹیم نال رہے سپنرز دی کاکردگی بہتر رہی۔ تفصیل دے مطابق ثقلین مشتاق کُجھ چر پہلے انگلش بورڈ اُتے زور دیندے رہے نیں کہ اوہ آن والے ویلے وچ چیلنجاں نال نبڑن لئی فل ٹائم سپن کوچ دا تقررکرے۔
دوجے پاسے اوہناں دے بیان دی الیسٹرکک نے وی تائید کر دِتی اے۔ اوہناں نے آکھیا کہ جدوں تیکر ثقلین مشتاق نال رہے اسیں اک گروپ دی صورت وچ بہت چنگی بولنگ کیتی، سانوں ایس بارے غور کرن دی لوڑ اے۔ یاد رہوے کہ انگلش ٹیم نے بھارت خلاف پوری سیریز وچ 6سپن بولرز معین، عادل، ظفر انصاری، لیام ڈاسن، گیرایتھ بیٹی تے جوئے روٹ توں باﺅلنگ کروائی، ساریاں نے رلکے 48.10دی اوسط نال 40وکٹاں لئیاں جو انگلینڈ دے سپننگ گروپ دی بھارت وچ دوجی خراب ترین کاکردگی اے، ایس توں پہلے 1992-93وچ وائٹ واش دا شکار ہون والی ٹیم دے سپنرز دی بولنگ ایس توں وی زیادا خراب رہی سی۔
