شہریار خان نے ایشین کرکٹ بلاک دی بحالی لئی بھارت نوں پاکستان نال رابطا جوڑن دا مشورا دے دِتا

شہریار خان نے ایشین کرکٹ بلاک دی بحالی لئی بھارت نوں پاکستان نال رابطا جوڑن دا مشورا دے دِتا

لاہور(پاکستان پوائنٹ نیوز22۔دسمبر2016ء) پاکستان کرکٹ بورڈ (پی سی بی) دے چیئرمین شہریار خان نے ایشین کرکٹ بلاک دی بحالی لئی بھارت نوں پاکستان نال رابطا جوڑن دا مشورا دے دِتا۔ بھارتی میڈیا نوں انٹرویو وچ پاکستان کرکٹ بورڈ دے چیئرمین شہریار خان نے آکھیا کہ کرکٹ دی دنیا وچ ایشین بلاک نوں دوبارا بحال کرن لئی پاکستان تے بھارت وچکار قریبی تعلقات ضروری نیں، پی سی بی ایس گل اُتے یقین رکھدا اے کہ سیاست تے کھیڈاں نوں وکھ رکھنا چاہیدا۔

اوہناں دا کہنا سی کہ اسیں ہمیشہ دو پاسی سیزیز دی گل بات لئی تیار آں پر ایہ وی حقیقت اے کہ جدوں کدی وی دو پاسی کرکٹ بحال ہووے گی ہُن بھارت نہیں بلکہ پاکستان سیریز دی میزبانی کرے گا۔ اوہناں دا کہنا سی کہ ساڈی دو سیریز بھارت دے ذمے نیں۔ ایشین کرکٹ کونسل اجلاس وچ رلت دے بعد ملک واپس پہنچن والے شہریار خان نے آکھیا کہ ایشین بلاک نوں دوبارا موثر بنان لئی دوویں ملکاں دے کرکٹ بورڈز نوں اک دوجے دی مدد چاہیدی ہووے گی۔

اوہناں نے ہور آکھیا کہ ماضی وچ جدوں پاکستان تے بھارتی کرکٹ بورڈ رلکے کم کردے رہے تے ایہدے نال ایشیائی ملکاں نے آئی سی سی وچ بہتر کردار ادا کیتا، اسیں رلکے برصغیر تے جنوبی ایشیا وچ ورلڈ کپ دی میزبانی دا اعزاز حاصل کیتا تے کرکٹ براڈ کاسٹنگ توں زیادا منافع جمع کیتا پر پاک، بھارت وچکار جاری کشیدگی ایشین بلاک نوں کمزور کرن دی وجہ بنی اے تے ایہدی بحالی لئی ساریاں توں پہلے بھارت نوں پاکستان نال کرکٹ کھیڈن دا معاملا شروع کرنا ہووے گا۔