برسبین ٹیسٹ: قومی ٹیم نے کینگرو قائد سٹیو سمتھ نوں پوویلین گھلن دا بہترین موقع ہتھوں گوا دِتا

برسبین(پاکستان پوائنٹ نیوز15۔دسمبر2016ء) قومی ٹیم نے کینگرو قائد سٹیو سمتھ نوں پوویلین گھلن دا بہترین موقع ہتھوں گوا دِتا۔ تفصیل دے مطابق پاکستان تے آسٹریلیا وچکار سیریز دے پہلے ٹیسٹ دے پہلے دن آسٹریلیوی کپتان نے پہلے 54انفرادی سکور اُتے اظہر علی دی گیند اُتے سرفراز احمد نوں کیچ دِتا جو اوہناں نے ڈِیگ دِتا جہدے بعد میچ دے 81ویں اوور وچ پاکستان نے دوجی نویں گیند لے کے محمد عامر نوں دِتی جہناں دے اوس اوور دی چوتھی گیند سٹیو سمتھ دے بلے دا کنارا لیندی ہوئی وکٹ کیپر سرفراز احمد دے ہتھاں وچ آ گئی پر اوہناں سنے کسے پاکستانی نے اپیل نہیں کیتی، جے پاکستان ولوں کیتی گئی اپیل رَد وی کیتی جاندی تے امپائر ریویو سسٹم دے ذریعے سمتھ دے بلے دا کنارا لگن دی تصدیق ہو جانی سی تے انج پاکستان نوں پہلے دن اک ہور قیمتی وکٹ مل جاندی۔