لندن( پاکستان پوائنٹ نیوز13۔جون2018ء ) مریم نواز دے پُتر جنید صفدر نوں قومی ٹیم دا کپتان مقرر کر دتا گیا۔ تفصیل مطابق سابق وزیر اعظم نواز شریف دی دھی مریم نواز دے پُتر جنید صفدر نوں پاکستان دی پولو ٹیم دا کپتان مقرر کر دتا گیا اے۔ جنید صفدر نے لندن وچ برطانوی پولو ٹیم خلاف پاکستانی پڑھیاراں دی پولو ٹیم دی کپتانی دے فرض نبھائے۔ ایہ پہلا موقع سی کہ پاکستانی پڑھیاراں دی پولو ٹیم کسے بین الاقوامی مقابلے اندر حصہ لین وچ کامیاب ہوئی ہووے۔
پربھرپور مقابلے مگروں برطانوی ٹیم پاکستانی ٹیم نوں ہران وچ کامیاب ہو گئی۔ ایس موقعے تے جنید صفدر دا کہنا سی کہ بین الاقوامی سطح دے مقابلے وچ رلت کر کے خشی ہوئی۔ اوہناں دی کوشش اے کہ اوہ برطانیہ دی پولو ٹیم نوں دورہ پاکستان لئی راضی کرن وچ کامیاب ہو جان۔
