لاہور( پاکستان پوائنٹ نیوز06۔جون2018ء ) قومی ٹیم دے سابق کپتان و مشہور آل راؤنڈر شاہد آفریدی نے چیف جسٹس آف پاکستان جسٹس ثاقب نثار توں اپیل کیتی اے۔ سوشل میڈیا ویب سائٹ ٹویٹر اُتے اپنے پیغام وچ شاہد آفریدی دا کہنا سی کہ چیف جسٹس میاں ثاقب نثار صاحب نوں شاباش، جس بہترین طریقے نال اوہ لوکائی دی خدمت کر رہے نیں اوہ سلاہن جوگ اے۔ اوہناں دے اچانک دوریاں نال بہت بہتری آئی اے پر اک صلاح اے کہ جے ٹائم کڈھ کے اوہ ہیٹھلیاں عدالتاں دا وی اچانک دورہ کرسکن تاں جے اداریاں دیاں کالیاں بھیڈاں نوں ٹھکانے لایا جا سکے۔
چیتے رہوے کہ چیف جسٹس آف پاکستان نے عہدہ سنبھالدے ای لوکائی دے مسئلیاں ول دھیان دیندے سو موٹو ایکشن لے کے لوکائی نوں ریلیف دوایا اے۔ اوہناں دے ایس کم نوں لوکائی نے وی ڈاڈھا سلاہیا گیا اے۔
