کراچی(پاکستان پوائنٹ نیوز03۔مئی2018ء ) سابق چیف سلیکٹر و لیگ بریک گُگلی باؤلنگ دے بادشاہ عبدالقادر دا کہنا اے کہ ہیڈ کوچ مکی آرتھر نے پاکستانی کرکٹ نوں تباہ کر دتا اے۔تفصیل مطابق سابق چیف سلیکٹر و لیگ بریک گُگلی باؤلنگ دے بادشاہ عبدالقادر دا کہنا اے کہ ہیڈ کوچ مکی آرتھر نے پاکستانی کرکٹ نوں تباہ کر دتا اے۔مکی آرتھر نوں جنوبی افریقا تے آسٹریلیا نے باہر کڈھیا۔
اوہناں دا کہنا سی کہ آرتھر نے ٹیم نوں تباہ کیتا اے۔ کرکٹ دے اپنے اصول تے قاعدے ہوندے نیں، کرکٹ نوں کرکٹرز چلان تے چنگی گل اے، جتھے نان کرکٹرز ہون گے اوتھے کرکٹ کیویں صحیح ہوئے گی۔ اوہناں دا ہور کہنا سی کہ یونس، آفریدی تے مصباح نوں اجے وی ٹیم دا حصہ ہونا چاہیدا سی۔اوہناں سلیکشن کمیٹی نوں تنقید دا نشانہ بناندے ہوئے آکھیا کہ قومی سلیکشن کمیٹی وچ انضمام الحق دا ون مین شو نظر آؤندا اے۔ ٹیسٹ سکواڈ وچ کوچ مکی آرتھر دی پسند نا پسند نظر آؤندی اے۔ عبدالقادر دا کہنا سی کہ تن ٹیسٹ میچاں لئی چار اوپنرز دی رلت کتھوں دی عقلمندی اے؟بیتے سمے وچ آرتھر نے پاکستانی ٹیم اُتے فکسنگ دا الزام لایا، جے پاکستانی ٹیم جوا کھیڈدی اے تے مکی آرتھر کوچ کیوں بنے؟
