پیسر محمد شامی دی ناراض بیوی نے اوہناں لئی اک ہور مصیبت کھڑی کر دتی

ممبئی(پاکستان پوائنٹ نیوز30۔اپریل2018ء) بھارتی فاسٹ باؤلر محمد شامی دے گھریلو جھیڑے وچ نواں موڑ آگیا ۔ پیسر دی بیوی نے خاوند اُتے الزام لایا اے کہ اوہناں دے شوہر نے کرکٹ کھیڈن لئی اپنی عمر وچ ہیرا پھیری کیتی تے متعلقہ حکام نوں پیدائش دیاں جعلی دستاویزات دتیاں۔ حسین جہاں نے فیس بک اُتے محمد شامی دا ڈرائیونگ لائسنس وی جاری کیتا جیہدے وچ اوہناں دا جنم دیہاڑ 5مئی 1982لکھیا اے جدکہ آفیشل کرکٹ ریکارڈ مطابق اوہناں دا جنم 3ستمبر 1990نوں ہویا۔ حسین جہاں مطابق بنگال انڈر 22ٹیم وچ چناؤ لئی محمد شامی نے جعلی برتھ سرٹیفکیٹ بنوایا سی۔