کرکٹر محمد آصف اُتے متحدہ عرب امارات وچ داخلے لئی پابندی ختم ہو گئی

لاہور(پاکستان پوائنٹ نیوز30۔جنوری2018ء) کرکٹر محمد آصف ہن متحدہ امارات جا سکن گے۔ تفصیل مطابق سپاٹ فکسنگ کیس وچ سزا یافتہ قومی کرکٹر محمد آصف اُتے متحدہ عرب امارات وچ داخلے اُتے 10ورھیاں مگروں پابندی ختم ہوگئی اے۔محمد آصف اُتے 2008وچ منشیات برآمدگی کارن یو اے ای وچ داخلے اُتے پابندی لگی سی۔ پابندی ختم ہون مگروں محمد آصف نے اماراتی ویزے لئی اپلائی کیتا سی۔ متحدہ عرب امارات دی وزارت داخلا نے محمد آصف دی درخاست منظور کردے ہوئے اوہناں نوں ویزہ جاری کر دتا اے۔ کرکٹ کھیڈن لئی محمد آصف نوں 10سال مگروں متحدہ عرب امارات داویزہ ملیا اے۔