کوئنز ٹاؤن(پاکستان پوائنٹ نیوز26۔جنوری2018ء) آئی سی سی انڈر19کرکٹ ورلڈ کپ دے کوارٹر فائنل وچ بھارت نے بنگلا دیش نوں 131سکور توں ہرا کے سیمی فائنل لئی کوالیفائی کر لیا اے جتھے ہن ایہدا مقابلا پاکستان نال ہوئے گا جو پہلے ای سیمی فائنل وچ تھاں بنا چکیا اے۔ ایونٹ دا پہلا سیمی فائنل 29جنوری نوں افغانستان تے آسٹریلیا وچکار ہوئے جدکہ 30جنوری نوں دوجے سیمی فائنل وچ روایتی حریف پاکستان تے بھارت دا میچ ہوئے گا۔
دوویں سیمی فائنلز پاکستانی ویلے مطابق رات ڈھائی وجے شروع ہون گے۔ ہر دو سال بعد ہون والے آئی سی سی انڈر19ورلڈ کپ دے 12ویں ایڈیشن دی شروعات 13جنوری توں نیوزی لینڈ وچ ہوئی۔ 16ٹیماں دا ایہ ٹورنامنٹ 3فروری تیکر جاری رہوے گا جہدے وچ رلتی ٹیماں نوں چار چار دے گروپس وچ ونڈیا گیا۔
