لاہور(پاکستان پوائنٹ نیوز25۔جنوری2018ء) قومی ٹیم دے کپتان سرفراز احمد نے وکٹ کیپنگ دے شعبے وچ نواں ریکارڈ بنا لیا اے۔ نیوزی لینڈ خلاف دوجے ٹی ٹونٹی میچ وچ سرفراز احمد فہیم اشرف دا کروایا باؤنسر پھڑن وچ ناکام رہے ۔باؤنسر پھڑن وچ ناکامی اُتے مخالف ٹیم نوں بائی دے چار سکور ملے۔ ایہ 2016مگروں23ٹی ٹونٹی میچاں وچ پہلا موقع سی کہ سرفراز احمد نے بائی دا کوئی رن دتا جدکہ 2572گینداں اُتے ایہ پہلا موقع سی جدوں اوہناں نے بائی دا چوکا اپنے کھاتے وچ درج کروایا۔
سرفراز احمد لگاتار زیادہ میچاں وچ بائی دا رن نہ دین والے وکٹ کیپر نیں جہناں نے لگاتار 22میچاں وچ ایہ کارنامہ انجام دتا۔ ایس توں وکھ ویسٹ انڈیز دے دنیش رامدین لگاتار 17ٹی ٹونٹی و سابق کیوی کپتان برینڈن میکولم نے لگاتار 16میچاں وچ بائی دا کوئی سکور نہیں دتا سی۔
