سرفراز احمد نے اوپننگ بلے باز فخر زمان نوں ’پیار بھری‘ دھمکی دے دتی

فیصل آباد(پاکستان پوائنٹ نیوز25۔دسمبر2017ء) قومی ٹیم دے کپتان سرفراز احمد نے اوپننگ بلے باز فخر زمان نوں پیار بھری دھمکی دتی اے۔ تفصیل مطابق اقبال سٹیڈیم فیصل آباد وچ شاہد آفریدی فاؤنڈیشن و ضلعی انتظامیہ دے تعاون نال ٹی ٹین کرکٹ میچ کھیڈیا گیا ۔ میچ وچ شاہد آفریدی، شعیب اختر، شعیب ملک تے بابر اعظم توں وکھ ہور کھڈاریاں نے وی رلت کیتی۔ ایس موقعے تے قومی ٹیم دے کپتان سرفراز احمد باؤلنگ کرنے آئے تے ’شاہد آفریدی ریڈ‘ دی نمائندگی کرن والے نوجوان بلے باز فخر زمان نے اوہناں دی سنیارٹی دا خیال کیتے بغیر اوور وچ تن چھکے مار دتے، چھکے کھان مگروں سرفراز احمد نے فخر زمان نوں پیار بھری دھمکی لاؤندے ہوئے آکھیاکہ ’پُتر جے اوتھے ایس طرحاں چھکے نہ مارے تے فیر دساں گا‘۔ سرفراز احمد دا اشارہ جنوری وچ پاکستان دے دورہ نیوزی لینڈ ول سی جتھے پاکستان نے 5ون ڈے تے 3ٹی ٹونٹی میچاں دی سیریز کھیڈنی اے۔