محمد آصف نوں قومی کرکٹ ٹیم وچ ’موقع‘ ملنا چاہیدا: اظہر علی

لاہور(پاکستان پوائنٹ نیوز25۔دسمبر2017ء) سپاٹ فکسنگ اُتے آئی سی سی ولوں پابندی دی سزا پوری کرن والے فاسٹ باؤلر محمد آصف دی ٹیم وچ واپسی لئی آواز چُکی گئی اے۔ سابق ون ڈے کپتان اظہر علی دا کہنا اے کہ محمد آصف نوں ہور کھڈاریاں وانگ اپنیاں صلاحتاں دے وکھالے دا موقع ملنا چاہیدا۔ اوہناں دا کہنا سی کہ محمد آصف کرکٹ دا بتھیرا تجربہ رکھدے نیں، بھاویں اوہناں دی سپیڈ پہلے وانگ نہیں رہی پر اوہناں کول ہن وی باؤلنگ وچ کافی ورائٹی موجود اے جہدے نتیجے وچ اوہ میچاں دوران مخالف کھڈاریاں نوں اوکڑاں وچ پا سکدے نیں۔اظہر علی دا کہنا سی کہ جے اوہناں نوں کھیڈن دا موقع دتا جائے تے کوئی مسئلا نہیں اوہ ٹیم لئی چنگے ثابت ہو سکدے نیں۔