اظہر علی گھٹ اننگز کھیڈ کے 5000ٹیسٹ سکور کرن والے چوتھے پاکستانی بلے باز بن گئے

ابوظہبی(پاکستان پوائنٹ نیوز30۔ستمبر2017ء) قومی ٹیم دے سینئر بلے باز اظہر علی گھٹ اننگز کھیڈ کے 5000ٹیسٹ سکور کرن والے چوتھے پاکستانی بلے باز بن گئے۔ تفصیل مطابق 32ورھیاں دے اظہر علی نے سری لنکا خلاف ابوظہبی ٹیسٹ دے تیجے دیہاڑے 32واں سکور کر کے ایہ کارنامہ انجام دتا، جہدے لئی اوہناں نوں 155اننگز دا سہار لینا پیا۔ ٹیسٹ کرکٹ وچ گھٹ اننگز کھیڈ کے 5000ٹیسٹ سکور کرن دا اعزاز سابق کپتان یونس خان کول اے جہناں نے صرف 106اننگز وچ ایہ کارنامہ انجام دتا سی۔ جاوید میانداد 107اننگز نال دوجے‘ محمد یوسف 108اننگزنال تیجے جدکہ ایشین بریڈ مین ظہیر عباس 166اننگز وچ ایہ کارنامہ انجام دے کے 5ویں نمبر اُتے نیں۔