پی ایس ایل دا تیجا ایڈیشن:پاکستان آن والے غیر ملکی کھڈاریاں نوں فی میچ 10ہزار ڈالر دین دا فیصلا

پی ایس ایل دا تیجا ایڈیشن:پاکستان آن والے غیر ملکی کھڈاریاں نوں فی میچ 10ہزار ڈالر دین دا فیصلا

لاہور(پاکستان پوائنٹ نیوز02۔اکتوبر2017ء) پاکستان کرکٹ بورڈ نے پاکستان سپر لیگ دے تیجے ایڈیشن دے میچاں لئی پاکستان آن والے غیر ملکی کھڈاریاں نوں فی میچ 10ہزار ڈالر دین دا فیصلا کیتا اے۔ بورڈ ولوں وڈی رقم دین دے فیصلے دا مقصد، غیر ملکی کھڈاریاں نوں پاکستان آ کے کھیڈن لئی راضی کرنااے۔ ایہ پیسے دوجے پیسیاں توں وکھ ہون گے۔ ایس سلسلے وچ پی سی بی غیر ملکی کھڈاریاں دے سمجھوتے وچ اک افضافی شق شامل کرے گا۔

بورڈ وسیلیاں مطابق غیر ملکی کھڈاریاں لئی فی میچ دس لکھ رُپئے ودھ لینا بُرا انتخاب نہیں ہوئے گا کیونکہ پی سی بی لیگ دے تیجے ایڈیشن دے فائنل سنے چھ توں اٹھ میچاں کران بارے غور کر رہیا اے۔ ایس لئی کوئی کھڈاری صرف پاکستان وچ تن میچ کھیڈے تے اوہ آسانی نال 30ہزار ڈالر کما سکے گا۔