اوپنرز دے تجربیاں وچ پاکستان نے ساریاں ٹیماں نوں پچھانہ چھڈ دتا

لاہور(پاکستان پوائنٹ نیوز30۔ستمبر2017ء) اوپنرز دے تجربیاں وچ پاکستان نے ساریاں ٹیماں نوں پچھانہ چھڈ دتا اے‘ کھبے ہتھ دے اوپنرز سمیع اسلم تے شان مسعود پہلی وار اکٹھے کریز اُتے۔تفصیل مطابق یو اے ای وچ سری لنکا نال سیریز وچ مصباح الحق تے یونس خان دا خلا پُر کرن لئی پاکستان نوں نواں کمبی نیشن بنانا اے‘ ایہدے لئی بیٹنگ آرڈر وچ وی تبدیلیاں ہوئیاں نیں، دورہ ویسٹ انڈیز لئی سکواڈ وچ تھاں نہ بنان والے سمیع اسلم واپس آئے‘ شان مسعود پہلے ای ٹیم وچ موجود سن، دوویں سجے ہتھ دے اوپنرز پچھلے دیہاڑے پہلی وار اکٹھے کریز اُتے آئے‘ ایس توں پہلاں کئی کھڈاریاں نال اننگز اوپن کرن والے اظہر علی نمبر تن اُتے آئن گے‘ ایہدے نال ای پاکستان نے اوپنرز دے تجربیاں وچ ساریاں ٹیماں نوں پچھانہ دتا اے۔