منامہ(پاکستان پوائنٹ نیوز23۔ستمبر2017ء) بحرین دے سربراہ احمد بن عیسی آل خلیفہ دے پُتر شیخ خالد بن حمد آل خلیفہ دی سرپرستی وچ بحرین دے صحراواں وچ کرکٹ میلا ’عرب کرکٹ کارنیول‘ لئی سارے انتظام کر لے گئے نیں۔ ٹورنامنٹ آرگنائزنک کمیٹی مطابق 27ستمبر توں 6اکتوبر تیکر عرب کرکٹ کارنیول وچ روز دی بنیاد اُتے بالی ووڈ سٹارز تے پاکستانی فنکار اپنے فن دا وکھالا کرن گے۔
میلے وچ براہ راست کامیڈی تے موسیقی شو شام 5وجے توں لے کے رات 10وجے تیکر جاری رہن گے۔ ایونٹ وچ بالی ووڈ توں جیکی شیروف‘ سنیل شیٹھی‘ سہیل خان‘ گوہر خان‘ ثناء خان‘ نیہا دھوپیا‘ بپاشا باشامل نیں۔ پاکستان ولوں نیلم منیر‘ کامیڈین افتخار ٹھاکر‘ علی عبدالغفار تے رضا عباسی شامل نیں۔ ایونٹ وچ گلوکاری دے جوہر وکھان لئی علی قلی مرزا‘ فتح جیت سنگھ‘ مظہر راہی‘ الزبتھ رائے‘ دیبا کرن تے حمزہ اکبر شامل نیں۔مشہور کرکٹرز محمد اظہر الدین‘ عمران نذیر‘ جنوبی افریقا دے جسٹن کیمپ‘ ویسٹ انڈیز دے کارڈوپاول‘ سری لنکا دے دلہارا فرنینڈو تے پاکستان ولوں رانا نوید الحسن ایونٹ وچ رلتی ہون گے۔ٹورنامنٹ دیاں ٹکٹاں دی آئن لائن فروخت شروع کر دتی گئی اے۔
