کراچی(پاکستان پوائنٹ نیوز23۔ستمبر2017ء) اپنے دور دے عظیم آل راؤنڈر و سابق ٹیسٹ کپتان وسیم اکرم نے آکھیا اے کہ پاکستان وچ کرکٹ ٹیلنٹ دی کمی نہیں‘ جنوبی پنجاب وچ صلاحیت جوگ کھڈاریاں نوں ویکھ کے حیران رہ گیا۔ پی ایس ایل وچ میں تے وقار یونس فاسٹ باؤلنگ وچ اپنیاں مہارتاں توں کھڈاریاں نوں جانو کراواں گے تے اوہناں ہور سکھاواں گے۔ مقامی ہوٹل وچ ہون والی تقریب دوران گل بات کردے ہوئے وسیم اکرم نے آکھیا کہ پی ایس ایل دے آئیڈیے دا مقصد ملک وچ انٹرنیشنل کرکٹ دی بحالی تے بہتر کرکٹرز نوں ساہمنے لیانا سی‘ لیگ اپنے مقصد وچ کامیاب نظر آؤندی اے۔
لیگ دی وجہ توں صلاحیت جوگ کرکٹرز ساہمنے آئے تے اوہناں نے چیمپئنز ٹرافی اندر پاکستان نوں جتوان وچ اہم کردار ادا کیتا۔ایہدے مگروں ورلڈ الیون وی پاکستان آئی ۔اوہناں دا کہنا سی کہ پی ایس ایل وچ میں تے وقار یونس فاسٹ باؤلنگ وچ اپنیاں مہارتاں توں کھڈاریاں نوں جانو کراواں گے تے اوہناں ہور سکھاواں گے۔
