کوئٹہ گلیڈی ایٹرز دے اوپنر احمد شہزاد نے ٹیم نوں چھڈن دی تصدیق کر دتی

کوئٹہ(پاکستان پوائنٹ نیوز25۔ستمبر2017ء) پاکستان سپر لیگ دی فرنچائز کوئٹہ گلیڈی ایٹرز دے اوپنر احمد شہزاد نے ٹیم نوں چھڈن دی تصدیق کر دتی اے۔تفصیل مطابق پاکستان سپر لیگ دے تیجے ایڈیشن وچ 6ویں ٹیم ’ملتان سلطان‘ دے ساہمنے آن مگروں باقی 5ٹیماں نوں 5اکتوبر تیکر اپنے سکواڈ توں 10کھڈاری لازمی ریلیز کرنے نیں۔ پاکستان سپر لیگ دے دوویں ایڈیشن دی رنر اپ ’کوئٹہ گلیڈی ایٹرز‘ نے تیجے ایڈیشن توں پہلاں احمد شہزاد‘ عمر گل‘ لیوک رائٹ‘ نیتھن میکولم‘ تھیسارا پریرا تے سعد نسیم نوں ریلیز کرن دا فیصلاکیتا ۔

ایس فیصلے دی تصدیق کردے ہوئے احمد شہزاد نے سوشل میڈیا ویب سائٹ ٹویٹر اُتے اک پیغام جاری کیتا اے۔ اپنے پیغام وچ احمد شہزاد دا کہنا سی کہ ’کوئٹہ گلیڈی ایٹرز نال دو سال چنگے رہے‘ شاندار ٹیم، چنگیاں یاداں، دو فائنل کھیڈنا یاد گار رہوے گا، پیار دین لئی تے میرے فیصلے نوں سپورٹ کرن لئی ٹیم مینجمنٹ دا شکریہ“