چار دن دے مقابلے نوں ٹیسٹ سٹیٹس دوان لئی جنوبی افریقا نے آئی سی سی نال رابطہ کر لیا

چار دن دے مقابلے نوں ٹیسٹ سٹیٹس دوان لئی جنوبی افریقا نے آئی سی سی نال رابطہ کر لیا

جوہانسبرگ(پاکستان پوائنٹ نیوز22۔ستمبر2017ء) جنوبی افریقا روایتی باکسنگ ڈے دے موقعے اُتے زمبابوے نال پورٹ الزبتھ وچ چار دن دا ڈے اینڈ نائٹ ٹیسٹ کھیڈے گا۔ ایہنوں ٹیسٹ سٹیٹس دوان لئی آئی سی سی نال رابطہ کرلیا گیا اے۔ جنوبی افریقا دے کھڈاریاں نے آکھیا اے کہ اوہناں نوں ایہ سٹیٹس ملن دی پوری آس اے کیونکہ ایس توں پہلاں وی 3‘4تے 6دن تیکر میچ کھیڈیا جاندا رہیا اے۔

چیف ایگزیکٹو ہارون لورگاٹ نے آکھیا کہ اسیں باکسنگ ڈے دے موقعے اُتے اپنے چاہن والیاں نوں دُکھی نہیں کراں گے‘ سینٹ جارج پارک وچ لائیاں جان والی نویاں فلڈ لائٹاں دا وی پورا فائدہ چُکیا جائے گا۔ جنوبی افریقا نے بھارت خلاف شیڈول وی جاری کر دتا اے جہدے وچ ٹیسٹ سیریز ہن 4دی بجائے تن مچاں دی ہوئے گی۔ اک وادھو میچ دی وجہ توں ون ڈے مقابلیاں دی گنتی 6کر دتی گئی اے۔