کارڈف(پاکستان پوائنٹ نیوز13۔جون2017ء) آئی سی سی چیمپئنز ٹرافی دا پہلا سیمی فائنل کل کارڈف وچ پاکستان تے انگلینڈ وچکار کھیڈیا جائے گا۔ پاکستانی ٹیم دے سیمی فائنل وچ پہنچن مگروں پاکستانی میچ ویکھن لئی بڑے اُتاولے نیں۔ گلیمورگن کرکٹ کلب دے سربراہ دا کہنا اے کہ ایس میچ دے سارے ٹکٹ پہلے ای وِک گئے نیں جدکہ 30فیصد توں ودھ ٹکٹ بھارتیاں نے مُل لئے۔
جی سی سی دے چیف ایگزیکٹو بیﺅ مورس نے آکھیا کہ جدوں سانوں ایہ میچ کروان لئی آکھیا گیا تے سانوں پتا نہیں سی کہ کہڑی ٹیم ایتھے کھیڈے گی پر دو مہینے پہلے ای ایس میچ دے سارے ٹکٹ وک ہو گئے تے ایہناں نوں مُل لین والے 30فیصد بھارتی نیں۔ بیﺅمورس نے انڈین شہریاں توںبینتی کیتی اے جے اوہ میچ ویکھن کارڈف نہیں آسکدے تے آئی سی سی ویب سائٹ اُتے ایہناں ٹکٹاں نوں اصل قیمت اُتے مُڑ ویچ سکدے دین۔تاں جے کوئی ہور ایہناں ٹکٹاں نوں مُل لے سکے۔
