شاہد آفریدی 20سال کرکٹ کھیڈن مگروں ایل بی ڈبلیو دے مطلب توں ان جانونکلے

کراچی(پاکستان پوائنٹ نیوز14۔جون2017ء) قومی ٹیم دے سابق کپتان شاہد آفریدی 20سال کرکٹ کھیڈن مگروں ’لیگ بفور وکٹ‘ (ایل بی ڈبلیو) دے مطلب توں ان جانو نکلے۔ نجی ٹی وی چینل دے پروگرام وچ مجمان نے آفریدی توں اک گیم کھیڈے ہوئے ہیڈ فون پا کے اشاریاں دی زبان وچ ایل بی ڈبلیو دا مطلب پچھیا پر آفریدی اوہناں دے اشارے نہ سمجھ سکے۔ آخر وچ اوہناں نے ہیڈ فون لاہ کے مجمان نوں آکھیا کہ اوہ کیہ پُچھ رہے او؟ مجمان نے اک وار فیر پُچھیا کہ ایل بی ڈبلیو دا مطلب کیہ اے جہدے اُتے آفریدی دا کہنا سی کہ اوہناں نے ہٹ وکٹ دا لفظ تے سنیا اے پر ایل بی ڈبلیو پہلی وار سن رہے نیں۔