لندن(پاکستان پوائنٹ نیوز13۔جون2017ء) پاکستانی سٹارز مصباح الحق تے یونس خان آن والے مہینے افعانستان نال شیڈول ون ڈے میچ لئی میریلیبون کرکٹ کلب (ایم سی سی) دی ٹیم دا حصہ بنن گے، ایہ مقابلا گیارھاں جولائی نوں لارڈز دے تواریخی گراﺅنڈ وچ کھیڈیا جائے گا۔ میچ وچ سابق سری لنکن کپتان کمار سنگاکار تے ویسٹ انڈیز دے شیونرائن چندریال وی ایم سی سی دی نمائندگی کرن گے۔
ٹیم دے کپتان کیوی کھڈاری برینڈن میک کولم ہون گے۔ سابق انگلش آل راﺅنڈر سمت پٹیل تے وکٹ کیپر کرس ریڈ وی ایکشن وچ وکھالی دین گے۔ ایسے طرحاں اک میچ پچھلے ورھے ایم سی سی الیون نے نیپال نال وی لاڈرز وچ کھیڈیا سی۔ چیتے رہوے کہ ذکر کیتے گئے دوویں پاکستانی کھڈاری نوں مجموعی طور اُتے 28922انٹرنیشنل سکور کرن دا اعزاز حاصل اے۔
