پی ایس ایل 3دا حصہ بنن والے سارے غیر ملکی کھڈاریاں نوں پاکستان آنا پئے گا: نجم سیٹھی

لاہور(پاکستان پوائنٹ نیوز25۔مئی2017ء) پاکستان سپر لیگ (پی ایس ایل) دے سربراہ نجم سیٹھی نے آکھیا اے کہ پی ایس ایل دا تیجا ایڈیشن کھیڈن والے سارے غیر ملکی کھڈاریاں نوں پاکستان آنا پئے گا کیونکہ ایہ گل اوہناں دے سمجھوتے دا حصہ بنائی جائے گی تے اوہناں نوں وادھو پیسے وی دتے جان گے۔ اک انٹرویو وچ نجم سیٹھی دا کہنا سی کہ ایس وار اسیں پاکستان وچ 8میچ کراواں گے جہناں وچوں 4میچ کراچی تے چار میچ لاہور ہون گے۔ نجم سیٹھی دا کہنا سی کہ پی ایس ایل ٹو دا فائنل لاہور وچ کھیڈیا گیا سی تے کوئٹہ گلیڈی ایٹر دے وڈے غیر ملکی کھڈاری کیون پیٹرسن، لیوک رائٹ، تائمیل ملز تے رائلی روسوو نے لاہور آن توں انکار کر دتا جہدی وجہ توں کوئٹہ گلیڈی ایٹرز نوں نویں غیر ملکی کھڈاریاں نوں کھڈانا پیا۔